Bulaaaaaaa nan cabez ta bek.

Hopi di nos por corda ainda cu algun eleccion atras un politico campanado tabata denuncia fuertemente e practica di e gobierno di e tempo ey cu a varios director di departamentonan di gobierno cu directornan nobo liga na nan mas miho conoci como bulamentu di cabez. Awor den anja 2010 ta parce cu e practica ey a reaparece atrobe. Solamente den caso specifico aki ta parce cu ta cabez di Hydra nan a bula paso a kita 2 cabez y a bin henter un team na nan luga.

Proyecto

Nos por a tuma nota di e proximo proyecto di nos gobierno actual; un tram cu lo corre entre waf y nos caya principal.

Nos por a compronde tambe cu esaki no ta e unico proyecto grandi cu tin riba mesa; ata aki un lista di proyectonan cu tin den pipeline!!

- Un nuclear power plant den becindario di nos high rise hotels

- Un space shuttle launchpad den vecindario di lighthouse

- Un pyramide pa remplaza nos Natural Bridge cu a collapse

Gabinete Mike Eman I, cumpliendo!!

E challenge di Juan David contra-aresta!

Aña pasa November nos por a tuma nota cu parlamentario di AVP sr. Juan David Irausquin a cuminsa cu un initiativa pa usa un bicicleta pa bai trabow. Esaki segun e parlamentario tawata pa mustra con e por cuida nos medio ambiente, baha su consumo di gasoline y ademas traha riba su salud general. Cu e action aki e la demostra tambe na su mesun gobierno cu e ta pone action na su palabranan.

Nos no sa con a para cu e initiativa aki....vooral despues di tur e accidentenan mortal di trafico di fin di aña....pero ta parse cu e initiativa di Sr. Irausquin aki a traha y AVP ta reacionando. Awe nos por a lesa cu na Hulanda Sra. Desiree Croes a ricibi un bicicleta di regalo pa su hacimento di aña cual e tin pensa di hasi bon uso di dje.

Well well, aki por wak bon cla con nos parlamentarionan ta traha!! Di unofficial sources nos tin entendi cu e otro parlamentarionan y ministernan ta bayendo les di core bicicleta pa nan tambe siqui e trend aki.

2013, 2021 & 2029

Desde temporada di campaña nos a bin ta tende con focused riba futuro nos prome minister actual ta.

Well, sr. Eman a sa di comproba esaki unavez mas door di demostra cu ya caba e ta pensando riba eleccion di aña 2013, riba eleccion di 2021 como tambe riba e eleccion di aña 2029.

Ya nos prome minister atrobe por haak af 2 item mas riba su To-Do list pa politico arubiano.

Den Scuridad di Anochi

Mienstras gobierno actual (AVP) ta criticando e gobierno anterior (MEP) di por ehemple:
- Nombra bode di ex-prome minister Nel Oduber como hoofd controleur na Casino Wezen
- A duna hendenan (campanjadornan) trabow den gobierno sin tin presupuesto pa esaki
- A otorga 52 permiso di taxi den e ultimo 48 oranan di gobierno anterior

Niun hende no a pone atencion na e dos parlamentarionan di AVP cu tambe ta parse di a haña trabow den un comission cu nan minister di economia (sra. Michelle Winklaar) a installa pa controla prijsnan di comerciantenan.

E dos parlamentarionan aki a wordo gara ta hasi nan side-job como controladornan di prijs den tiendanan den caya grandi.

It's Deja Vu All Over Again

Manera tawata di spera, cos ta hopi hot den parlamento den e dianan aki rond di tur e discucion tocante cambio di ley di BBO. Segun nos por comprende di nos senior parliament analyst e fraccion di AVP kier pusha pa trata e ley prome cu fin di aña, mientras e parlamentarionan di MEP ta pidi mas tempo pa studia e ley aki.

Pregunta: CUANTO TEMPO BO MESTER PA STUDIA UN LEY DI 1 PAGINA????

E parlamentarionan di MEP tawata sa di 26 di september 2009 caba cu e ley aki lo wordo introduci y dus tawata tin tempo suficiente pa studia e cambio aki. By the way, pa boso informacion e 3% a cambia pa 1.5%.

En fin, pa nos di PA tur esaki ta zona masha conoci mes. Ta manera un deja vu cu ta hiba nos bek na un momento cu ta jena nos cu orguyo na december 2006. E eventonan cu a sosode riba e dia ey ta skibi masha detaya akinan. (Pa esaki nos kier a manda un danki special na nos ex-colega blogger Edwin Jacobs).
Un cos ta sigur. Sr. Andy Lee no ta bai lanta for di e stoel ey pa nada.

E Mundo Riba Su Cabez

Na final di aña 2006 Aruba tawata den un situacion caminda e partido na mando (MEP) tawata preparando pa introduci e ley di BBO contra tur conseho di tur instancia relevante aki na Aruba. Awe apenas 3 aña despues e partido MEP ta criticando e partido na mando (AVP) paso nan ta introduciendo un cambio den e ley di BBO pa rebaha esaki contra tur conseho di instancianan concerni.

Besides di e obvious hypocrecia aki, laga nos analysa esaki un rato. Hopi hende ta pensa cu e proposicion di AVP pa baha BBO na 1.5% ta uno masha humilde y ta di aplaudi. Y pues MEP ta e boos-doener akinan. Pero con cu bo mirele MEP tin un punto valido si. E rebaho di BBO lo no tin e effecto cu nos tur ta kere cu e lo tin....cual ta rebaho di prijsnan en general. Esaki ta solamente un di e criticanan cu tin contra di e rebaho di BBO. Tin otro expertonan manera Ben Marapin cu tambe a critica e proposicion di rebaha BBO sin reemplaza esaki cu algo otro.

Un di criticonan mas fuerte contra e proposicion di AVP pa rebaha e BBO ta sra. Evelyn Wever-Croes di partido MEP cu a cataloga e proposicion aki como un "Mentira" di AVP. Sra. Wever-Croes ta sigui bisa cu e concepto di ley ta 1 pagina so y cu Raad van Advies a saca un advies sumamente devastador pa cu e concepto di ley aki. UN PAGINA SO?? Bo por kere?
Pregunta: Cuanto pagina Sra. Wever-Croes ta kere cu lo mester mas of menos pa cambia 3% na 1.5 %?

E advies negativo di Raad van Advies segun Sra. Wever-Croes ta consisti di no menos cu 4 pagina. E concepto di ley aki segun e parlamentario ta un BERGUENZA. En berdad, un berguenza compara cu 10 paginanan di conseho negativo di Raad van Advies pa cu introducion di BBO 3 aña pasa. Y esey no ta ni inclui advies negativo di SER ainda manera si tawata e caso na December 2006.

Akinan nos tin cu duna e parlamentario di MEP tur su razon. Ora ta trata di berguenza AVp ta keda hopi atras compara cu MEP.

Zzzzzzz

E trabou mas essential di un parlementario ta controla e begroting di gobierno annualmente. Un parlamentario tin hasta e derecho pa hasi cambio den e presupuesto presenta. PA por prueba cu e ex-parlamentario cu nan a hanja drumi na cruzada marduga lo tabata drumi den dia den parlamento tambe. Cu su mal custumber di bisa vooooor pa tur cos di gobierno e pober a aproba e begroting di e anja aki sin nota cu no presupuesta su futuro trabou na e departamento di su gusto. Un cos PA sa sigur cu ta den accountancy sigur nan lo no tuma e caballero aki.

Feisbuk (no ta tiepfaut)

Na nos hermana isla Corsou tabata tin entregramento di lista pa e elecion cu ta bai tuma luga Januari benidero. Entere e 11 partidonan cu ta bai participa tabata tin un partido nobo cu a hala PA su atenshon cual ta e partido Feisbuk (y no Facebook) cu su unico intregante e senor Yves Cooper. PA ta spera cu sr Cooper a tuma na cuenta si cu riba Facebook ta maximal 5000 friends so un hende por tin y cu somehow e tin cu busca 300 friends pa e por yega na e 5300 firma necesario pa participa na e elecion, sino cos lo pinta skur pa su partido.

Curashi Ta Siqui Challenge

Durante temporada di campaña Juan David Irausquin a sali cu e slogan "Curashi" y e la laga sa cu e tawata campaña pa sinta den Parlamento pa controla actonan di gobierno. Sr. Irausquin a bisa di tin e curashi pa questiona e gobierno hasta si esaki ta su mesun partido.

Siman pasa nos por a mira con Sr. Irausquin a jega Parlamento riba un bicicleta y asina laga tur hende babuca pa e action aki. Hopi ta esnan cu ta kere cu Sr. Irausquin ta hasi esaki pa su salud, medio ambiente y pa spaar gasolin so, pero tin mas tras di esaki. E motivo principal di esaki ta un otro challenge cu e kier trece den parlamento pa cu su mesun partido. Den e caso aki su mesun lider cu durante campaña a purba di hasi como si fuera cu e tin medio ambiente na pecho door di core parada di campaña riba un vehiculo cu lo ta spaar mas gasolin.


E acto di Sr. Irausquin akinan a pone e bala bek den scochi di e ministernan di su gobierno pa wak kiko nan ta bai hasi awo pa contra-aresta su challenge.

Ela pasa caba???

Nos por a tuma nota cu dos candidato di AVP no a ricibi e memo informando nan cu eleccion a termina y cu nan a wordo nombra como minister. Aparentemente ainda nan ta pasando door di nan to-do list di un politico arubiano.

Porta E-Man tin cu spierta nan, mirando cu e si no ta ser mira mas den compania di niun anciano, baby of persona cu deficiencia mental desde cu ela bira minister, pero a dicidi di anda cu un crowd completamente diferente.

Perfect timing....??

- "E ta masha rabia cu ela haya number 16!!"
- "Nel kier rejuvenece e partido."
- "E kier dedica mas tempo na su famia y su negoshinan."

Esey ta djies algun di e motibonan cu a ser menciona den pueblo dia cu Sr. Werleman a anuncia di lo pone un punto tras di su carera politico.

Cua cu por ta e motibo, nos mester bisa cu su timing tabata perfecto si. Ki "coincidencia" cu net despues cu ela tuma e decision dificil di retira for di politica, ela haya un oportunidad tremendo asina pa bira director di Utilities N.V.; bai tin "suerte"!!

Digitalisacion di Parlamento

Na aña 2007 parlamento a cuminsa cu un proceso di digitalisacion cu drs. Mervin Wyatt Ras ta considera masha importante pa su sucessor sigui cune. A introduci entre otro un "Documentenmanagementsysteem" di Blackberry Solutions. Esaki hunto cu un sistema di e-mail ta hasi posibel cu parlamentarionan por ricibi invitacionan pa reunionan den parlamento y ricibi nan mail "real time" ariba nan Blackberry.

Nos di PA a ripara berdad cu e systema nobo aki a trece problemanan di adaptacion cu ne pa cu algun parlamentario pasobra constantemente nan tawata riba nan Blackberry durante reunionan di parlamento. Pero e digitalisacion aki a trece tambe cu ne hopi eficiencia. Manera por ehempel Mike Eman por a "Reject" mas facil tur e reunionan cu e no lo atende y "Forward" esakinan pa su futuro voorzitter di parlamento Andy Lee.

Segun Sra. Wyatt Ras: "Importante den e proceso di digitalisacion ta cu ela hisa e calidad y eficiencia den trabow di Griffie y di Parlamento". Esaki tambe ta berdad paso awor Sr. Booshi Wever por manda Sr. Rudy Lampe un PIN message cu e palabranan "PEDOFIEL" enbez di grita esaki den parlamento. Dus un adelanto hopi visible den e calidad di nos parlamento.

Sra. Wyatt Ras ta bisa si cu e ta un reto pa cambia e mentalidad di e parlamentarionan pa envez di pidi tur documento ariba papel pa nan hasi uzo di e forma digital. Si nos repasa e To-do list di un politico, nos ta ripara cu esaki lo tin como consequencia cu lo mester usa un laptop por ehempel ora di "Revela Documento Comprometedor".

Ken no a hasi su huiswerk?

Siman pasa dia 22 di october nos por a lesa den Awemainta cu Evelyn Wever-Croes tawata masha desapunta cu algun politico cu a priminti shelo y tera y awo ta parce cu nan ta bin cu argumentonan foto cu "Nan no tawata sa con malo e situacion tawata". E politiconan aki no por a hasi nan huiswerk bon.

Cu e declaracion aki Sra. Wever-Croes tawata referi specificamente na Mike Eman cu di basta trempan a cuminsa anuncia cu e la haña sorpresa di su bida ora Director di Finansas a informe cu Aruba tin un deficit di 97 miyon florin. So far, nada nobo paso tur gobierno nobo cu sinta ta usa e mesun excusa pa cuminsa e proceso di "suavisamento di nan promesanan".

Pero tin mas politico cu tampoco a hasi nan huiswerk y tambe lo cai den e categoria di politiconan cu no ta serio segun Sra. Wever-Croes. Nos por menciona entre otro:

- Nilo Swaen cu a pensa cu paso Fitch Rating a re-afirma e credit rating di Aruba como un BBB cu tur cos ta bon cu e maneho financiero di gobierno.

- Marisol Tromp cu a pensa cu scolnan no tin mester di mantencion rutinario y tur cos lo keda den bon estado....te ora a bai hasi renobacion y a ripara cu ful e dak y plafond di Colegio Arubano San Nicolas mester wordo reemplaza di inmediato.

- Y ken por lubida e lider cu mas cu 30 aña di experiencia Nel Oduber cu a pensa cu su partido lo gana elecion di 25 di september cu nada menos cu 12 asiento.

Ta ora pa cuminsa parti strafwerk!!!

Ken ta Sigui Bon Ehempel di Prome Minister?

Recientemente Sr. Nel Oduber a dicidi di hala atras y sede su puesto den parlamento na Xiomara Ruiz-Maduro. E decision aki a bin despues di a analysa e motibonan di con su partido a perde eleccion di 25 di september. Despues di a sirbi su pais y e partido MEP pa mas cu 30 anja Sr. Oduber a entrega su puesto den parlamento dunando asina un bon ehempel na e otro candidatonan di su partido.

Na mes momento Sr. Oduber ta spera cu mas candidato riba su partido sigui su ehempel y duna espacio na e generacion nobo di MEP. Nos di PA por a compila e sigiente reaccion di e candidatonan menciona.