Finanzas di Campaña

Riba e website di MEP por lesa con ta cuestionando e cantidad di placa cu AVP ta hincando den e campaña pa eleccion na september. Con porta cu AVP ta pagando Awg. 8,000 pa luna pa huur un cas pa campaña? Tambe nan a cuestiona cu AVP a paga AWG. 10,000 pa renoba dak di un cas na paradera. Esaki ta otro muestra cu AVP ta un partido sin capacidad pa siña y sin creatividad.



E ministernan di e partido geel ta mucho mas avansa y creativo paso nan si ta siña di pasado y ta bin cu solucionan creativo pa problemanan simpel di campaña. Tuma ehempel di Minister Tromp cu tin full un tereno na su disposicion, varios container geverf geel, un stage traha di palo y e mas bunita di tur,....tur gasto paga cu placa di pueblo!


Shame on you AVP. Ta con bo ta expect di salba e isla aki di un catastrofe financiero si ni bo campaña bo no por maneha sin gasta placa?

Campaña sin gasta un cen (Part 2)

Awo ta toca turno pa Setar. Dia 18 di mei Setar a introduci WIFI pa scolnan y claro esaki no por bai sin e tradicional PR event. Apesar di ta un evento di Setar, minister Marisol Tromp no por a keda sin presenta (cu invitashon claro) na Colegio Arubano pa su mesun PR event. Den mi memoria ta fresco ainda cu esaki ta e mesun Colegio Arubano cu e mesun minister aki kier a corta pisa den su begroting paso nan a welga pa indexering.

Loke Marisol no a conta cu ne ta e astucia di Whitney Kock (un di e candidatonan nobo di AVP) cu a aprobecha e mesun evento aki pa propaganda su mesun campaña door di duna su "Thumbs up" pa e introducion di WIFI na e scol caminda e ta traha. Sneaky!

Europees Parlement (2)

Papiando di Nadya van Putten.... Na television ayera Nadya a sinta splica con e ta parti di "...e generacion di politiconan nobo.." y cu e ta hiba politica moderno, no mane su contrincante Mito Croes.

Un paar di seconde despues di a bisa esey, ela splica e pueblo arubiano na un manera "cla y raspa" cu si nan vota pa Mito Croes su partido (CDA) durante di e eleccion di parlamento europeo, nan ta dunando PVV di Geert Wilders (y Hero Brinkman) un chance pa drenta den gobierno hulandes. Ela lubida di splica ta con precies votamento pa parlamento europeo tin algo di ber cu votamento pa Tweede Kamer y gobierno di Hulanda.

Basicamente, Nadya ta hibando e mesun politica bieuw di "misleid" e pueblo. Foei foei foei.

Europees Parlement (1)

Dr. Mito Croes recientemente a wordo entrevista door di un reportero hulandes na Den Haag. E entrevista a bai bon te na 2:20, despues di esey, cos a bai un tiki "downhill" ora cu e reportero a cuminsa haci preguntanan un tiki "pittig".

Porta Mito a lubida cu e reporteronan hulandes no ta mane esunan arubiano cu ta haci e preguntanan "facil" mane:

- Con bo ta wak e campaña aki ta bayendo?
- Cuanto voto bo ta kere cu bo lo haya?
- Kiko bo ta pensa di Nadya van Putten?

To goochel or not to goochel

Den un temporada di eleccion no por falta e tradicional "goochelmento" cu cifra pa fortifica e punto di bista di e partido riba e tema cu e ta trece dilanti e momento ey. Siguiendo e tema mundial di momento e discusion ta cu si e economia di Aruba ta bayendo malu of bon. E instancianan concerni ta saca nan cifranan pa kada ken goochel cune na nan mes un smaak.

Campaña sin gasta un cen

Con bo por hasi un campaña sin gasta niun cen? Esaki ta masha facil ora bo tin bon coordinacion cu organizacionan y companianan di gobierno. Tuma por ehempel Lotto Pa Deporte. Si bo puntra esnan cu ta depende di e instancia aki pa nan por practica deporte bo ta keda straña cu e yama Lotto pa "DEPORTE". Pero ata awo nan kier traha un Ball Park na Winston. http://www.24ora.com/content/view/9099/7/
Ok, hopi bon. Dus simplemente ta split e proceso den dos parti.

Stap 1. Hasi un evento pa pone prome blokki aunke porta bo no tin placa pa ni pa cuminsa of finalisa e projecto. (Corda cu semper bo por culpa e gobierno cu sigui cu ta nan a para e projecto.) Pone un banda popular toca pa invitadonan. Y claro invita tur parlamentario y minister di bo partido preferi y zorg pa nan no bin bisti pa campaña,....esey lo ta demasiado ovio.

Stap 2. Wak si tin placa cu no a wordo usa pa mantene e stadionan cu tin caba, wak si por cuminsa construi prome cu eleccion y mihor ainda wak si por caba prome cu eleccion. Kisas hasta tin espacio pa otro PR event cu otro banda (of dos) y e invitadonan di semper. Asina e caranan ta keda mas fresco den memoria pa ora di vota.

Esun cu ta bisa cu no tin coordinacion den aparato gubernamental, no sa di kiko e ta papia.

YouTube video di siman

Checklist politico pa un Q&A session:

1. Preguntanan selecciona di antemano door di e candidato -- check
2. Contestanan vaag cu eigenlijk no ta contesta e pregunta -- check
3. Mesun contesta riba diferente pregunta -- check
4. Hacidor di pregunta cu "lamentablemente no por ta presente" -- check

Niche politiek

AVP ta purbando di spreek aan e votadornan Chines?
Textbook case di "niche politiek".

http://www.avparuba.com

Mo Rudy

Despues cu un paar di dia pasa caba ela bai para "solidario" cu e pueblo di Boneiru cu awor ta parse di kier "trek terug" di nan decision pa lasonan mas estrecho cu Hulanda, awe Rudy Croes a pone Sra. De Jongh-Elhage rabia masha door cu ela dicidi di mete door di bai Curacao y duna sosten na e "No". Hasta entrevista ela duna na radio.

Sra. De Jongh-Elhage ta un persona masha diplomatico, pero mi ta wonder con Rudy Croes su reaccion lo tabata si e storia lo tabata the other way around..... Scucha Sra. De Jongh-Elhage over di nos Minister di Justicia.

Gobierno di Ulitmo Ora

Awo ta toca Kamerlingh Onnestraat. Faltando solamente 5 luna pa eleccion nos gobierno tin drechamento di nos careteranan halto den nan agenda. Durante 7 anja largo no tawata tin ni placa ni determinacion pa drecha niun caminda y unico cu por a hasi ta patch aki aya. Pero cu un eleccion asercando ta mustra cu awo si un gobierno por funciona manera debe ser. Ta manera nan ta lanta for di soño y di nan celebracion di nan victoria di 3 aña pasa y bisa: "Ok, awo nos ta bai cuminsa traha!". Bo por imagina bo cuanto progresso "berdadero" nos lo por tin si solamente nos tawata tin eleccion cada 2 anja! Campañadornan fiel lo puntra nan ministernan y parlamentarionan: "Ki dia boso tin tempo pa nos, paso unico cu boso ta hasi ta traha pa Aruba!". No ta fair!!

MPA ta Monica

Riba e front page di e website di MPA Monica Kock ta skirbi: "Hopi biaha hende ta bisa cu nan no ta wak MPA. Nan ta wak ami so y ta bisa cu MPA ta Monica. Pero esey no ta berdad."

Ora nos bai wak riba e mesun website ey ta ken precies ta MPA, nos ta haya un sorpresa y contradiccion. Check e lista di candidato di MPA.



update: nan a lanta for di sonjo

Think green?

AVP ta hibando un campaña cu e lema conoci "Think Green" anto pesey, nan a organiza un parada di auto.

Sigun mi niun di e autonan cu bo ta wak riba e clip ta "hybrids"

http://www.youtube.com/watch?v=KyOKLYmVyb4