Noticia Politico Interesante

Dia 25 di juli 2009, e corant Awe Mainta a publica un noticia super alentador pa e partido AVP. Segun e matutino trafico na rotonde di Ponton a pega formal na momento cu e "BANDERA MAS GRANDI NA ARUBA" tawata wordo lanta pa un grupo di AVP.

Awo si solamente e bandera aki somehow haña un manera pa vota y su voto ta conta pa 10 (door di su tamaño) e noticia aki lo a cualifica pa e front page di e matutino.

Warda kiko bo di? E la sali riba front page??

No Full, pero Medio Ambiente

Otmar Oduber, kende awor ta concentrando riba medio ambiente tambe durante su campaña, recientemente a organiza un parada di auto. Na caminda ela topa cu su colega Mike de Meza, kende tambe ta masha preocupa cu nos medio ambiente y tur e accionan di humanonan cu lo por tin consecuencia negativo p'e. Na e momento aki, di biaha Tha Betta Mike a laga Otmar sa kiko e ta pensa di e parada di auto aki....





Porta ora cu Otmar su consehero a bise cu e mester concentra riba medio ambiente durante campaña, ela kere cu e mester organiza actividadnan unda e ambiente ta djies "OK" y no "tremendo", dus no "full ambiente", sino "medio ambiente"......

Hende Muher den Politica

Diabierna ultimo Julie de Cuba di partido RED a saca un comunicado riba 24ora caminda cu e la duna un analysis chikito di e dificultadnan cu e ser femenino tin cu pasa aden ora nan dicidi di drenta e arena politico. Den sra. de Cuba su analysis e ta bisa cu e hende muher politico tin cu surpasa un drempel. Den palabranan di sra. de Cuba: "E tin cu kies pa reparti su tempo entre famia, trabow y politica. E ta expone su mes na critica, envidia, na redo y na insulto".

Ademas e la agrega cu e ser femenino tin chens di haña su mes isola si e subi lista di un partido cu no ta esun di su miembronan di famia.

Nos di PA kier a felicita Julie de Cuba pa cu e analysis aki. Danki pa describi loke 99% di tur persona den politica aki na Aruba tin cu pasa aden.

Alix trapt een open deur in

Durante e conferecia di prensa semanal di MPA, Alix Geerman (candidato nobo riba lista ros) a splica cu mayoria kiebro y ladronicia ta ser ocasiona door di choller. Alix aparentemente a hasi un investigashon chikito na Ministerio Publico y a check raportnan di polis pa a jega na e conclusion aki. Basa riba esaki Alix ta pensa cu "mester bin un solucion rapido pa e chollernan". Ken lo por a pensa esey??

Ta bon berdad pa de bez en cuando nos politiconan bai wak rond di Aruba pa sa kiko ta e realidad y kiko ta e preocupashonan di nos pueblo. Pero pa trece esaki ATROBE dilanti como un descubrimiento impactante caminda cu ja tur partido a trece e issue aki dilanti lunanan atras!!??

Nos tin cu admiti cu na defensa di MPA, segun Monica Kock (lider di partido ros) a duna di conoce, e la "hasi" mas ley cu 19 parlamentario hunto durante cu e ta parlamentario. Consequentemente nos por comprende cu no tin tempo pa wak kiko e otro partidonan ta bin dilanti cu ne. Nos di PA a ripara di basta tempo caba cu Monica semper ta reacciona un 2 pa 3 siman despues riba cualkier issue di momento.

Proceso Electoral di Aruba

Manera PA a anuncia un par di siman atras e partido MSI lo a keda oficialmente for di eleccion 2009 pa motibo di no a registra prome cu e deadline pa partidonan nobo. Esaki riba su mes ta un lastima paso nos di PA lo kier mira mas hendenan "bon" prepara y cu "vision" drenta arena politico. E ultimo aki no ta conta pa MSI si cu a mustra te ainda di ta "mal" prepara y sin "vision" paso drenta arena politico no mester ta algo ad-hoc pero algo cu bo mester a pensa riba dje hopi prome caba y sa precies kiko ta e requisitonan. MSI a MIS de boot.

Pa compensa e falta di preparacion y vision, Edwin Duineveld (lider di e partido nobo) ta mustra cu si e tin otro cualidad pa ta un politico na Aruba. Y e cualidad aki ta "creatividad". Pa toch participa na e eleccion na september benidero MSI a usa su creatividad y a aserca Gemby. No, esaki no ta pa Gemby join su partido! MSI kier usa e partido OLA, cu si a participa na eleccion di 4 aña pasa y consequentement no mester registra, como su vehiculo pa participa na eleccion 2009.

Te con lew nos sa e areglo ta inclui cu Gemby mester distancia su mes di e partido OLA. Sr. Duineveld di su banda mester distancia su mes di cualkier "Goodwill" cu e partido OLA tin di tempo di su gloria. Esaki ta ensera cu Sr. Duineveld no mag di usa e sigiente ideanan politico, cu tabata e trade-mark di Gemby su tempo, pa e campaña 2009 (dijs pa menciona algun):
1) Petroleo Barata di Venezuela
2) Contracto cu Fabela
3) Projecto Radar
4) Lucht- en Zeebrieven

Claro cu e intercambio aki (si nos por yame asina) ta bai zorg pa un bruhamento formal dia di eleccion. Paso tur persona cu kier vota pa MSI na september lo tin cu vota pa OLA riba e stembiljet. Segun Censo, nan ta prepara pa esaki ya cu nan a hanja conseho professional riba e asunto aki. Porta ta ami, pero mi ta scucha "Re-count Bells" caba.

Esaki ta un bon momento pa nos introduci un chart nobo di PA. Laga nos bai wak e calidad y profesionalismo di nos proceso electoral na Aruba.

Facebook

Hopi ta e politiconan cu a mira IT como un instrumento hopi importante den nan campaña pa aserca mas hopi hende cu ta posibel. Den e eleccion di 4 aña pasa caba nos por a mira hopi politico cu a lanza nan mesun website caminda nan tawata por a distribui nan mensaje politico na un publico mas grandi. Pa e campaña 2009, Facebook a bira e instrumento technologico di choice pa algun politico aki na Aruba. Claro cu tur e technologia avanza aki no ta bin sin su consequencianan negativo como entre otro hacking.

E prome victima politico cu su Facebook a wordo ge-hacked (5 juli, 2009) tawata Andin Bikker di partido PDR. Sr. Bikker a perde 1,300 "Friends" riba e dia tragico aki cu tawata pa colmo net un par di dia prome cu nan Online Town Hall Meeting lo mester a tuma lugar.

Dia 15 di juli 2009 Awe Mainta a publica cu e sigiente victima di "Facebook Hacking" tawata Alex Tromp di partido AVP. Na momento di e susedido tragico aki Sr. Tromp tawata tin casi 1,000 "Friends" cual awo e no por papia cu nan mas.

E ultimo victima di "Facebook Hacking" tawata Willem Vrolijk di MPA. Akinan e hacker(nan) a hasi algo diferente. Enbez di sabotea e website nan a dicidi di add varios pregunta pa esunan cu ta maneha e site. Sr. Vrolijk parse no a nota esaki y a hasi un conferencia di prensa usando e material aki. Sr. Vrolijk tambe a keda sumamente contento cu su miles di "Friends" nobo cu e la haña riba Facebook cu ta parse di ta sostenenan 100%.

Ariba Of Na Banda

Weekend cu a pasa na un fundraising, Sr. Nel Oduber a oficialmente nombra Carl Giel (Directie Arbeid) pa partido MEP. Segun e website di MEP e prome salida di sr. Giel tawata masha dinamico.

Nos di PA a keda sorprendi ora cu 3 dia despues di e anuncio oficial aki di e lider di partido geel, sr. Junior Arends ta bisa lo siguiente durante e press conference (Awe Mainta) di partido MEP: "No necesariamente tur e pesonanan nobo cu ta wordo anuncia ta bin riba lista, pero ta presentandonan como sostenedornan di MEP, sea riba lista of banda di lista..". Cu esaki Sr. Arends tawata referi na 3 candidato nobo, esta Monique Coronel, Francis Jacobs y e propio Carl Giel.

Nos no por a haya confirmacion si esaki tin di haber cu e Aerolinea Big Daddy cu a crash un par di siman atras. Posiblemente e autoridadnan concerni kier evita e repeticion di e desaster aki door di hasi un mihor screening di e "aerolinea" nobonan.



Junior Arends tambe a anuncia cu di awe te cu eleccion nan lo ta presentando tur dia un persona cu ta "sosteniendo" e lista geel cu porta of no ta "ariba of na banda" di e lista. E ganadornan cu lo subi lista eventualmente lo wordo escohi den un episodio special di "Survivor: Aruba Eleccion Edition".

E reto!

VS

Recientemente Otmar Oduber a haak af su siguiente item riba e checklist di un politico arubiano, e item di "Revela diferente documento comprometedor" na unda cu e ta menciona cu segun su informacionan tin 5000 persona sin trabou na Aruba. Awor Carl Giel di MEP, kende porcierto (tabata) tin un puesto halto na Departamento di Labor a issue un reto pa Sr. Oduber:

"Dentro di 24 ora, haci e lista di nombernan di e 5000 personanan cu no tin trabou na Aruba publico"

Nos di PA ta haya esaki masha interesante y semper ta keda alerta pa e tipo di retonan aki. Na mes momento nos lo kier a duna e contesta cu nos ta kere cu Otmar lo bin cune, y nos lo haci esaki den estilo di multiple choice:

a) pa motibo di privacy di e personanan, e no ta haya cu ta etico pa haci e lista publico
b) un politico di su caliber nunca lo involucra su mes den un wega politico baho asina
c) e lo bisa Carl cu e no tin mester di hacie publico, paso Carl mes sa masha bon cu e lista ta existi
d) e lo bai dilanti camera y zwaai rond cu un papel sin duna niun hende un copia
e) e lo bisa Carl pa e mes bin buske serca dje na cas dipartido di AVP na Paradera


PA ta kere cu Otmar lo bai cu e opcion "b", ni maske con dificil pa kere esey por ta.

Trends

Nos por wak cu hopi partido a copia e terminogia "change" di Obama mustrando asina cu nan ta volg e ultimo trendnan den politica international. Despues di jump riba e cyberspace bandwagon AVP ta mustra cu e a pick up mas trends. Nan tin algun celebrity den e mundo artistico cu ta apoyanan mande Janiro di Basic One y Youth X-treme. E siman aki AVP a hanja apoyo international. Bo por wak claramente cu bo por copia un trend pero esey no kiermen cu bo ta "down" cu e trend. Mike lo tin di bai busca riba youtube cua ta e ulitmo trends pa cuminda hende paso obviously e no sa esey.



Update: Mirando e succes cu AVP a experiencia cu e apoyo internacional, MPA tamba a dicidi di jump riba e bandwagon ey

Bo Sa Unda Bo Carteranan Ta?

Ta hopi ta e noticianan cu a sali ultimo dianan tocante e programa nobo di Departamento Social di gobierno "Bo Sa Unda Bo Yiu Ta"? E gobierno actual y su minister encarga cu e departamento di asuntonan social un biaha mas ta hasi honor na e stempel di "Gobierno di Ultimo Ora". Awo faltando 3 luna pa eleccion Sra. Marisol Lopez-Tromp ta ripara cu nos hubentud ta bayendo den mal direcion.

Obviamente pueblo ta puntra su mes "Bo Sa Unda Bo Minister di Asunto Social ta(wata) 7 Aña largo?" Nos di PA tambe kier puntra Sra. Lopez-Tromp: "Bo Sa Unda Bo Carteranan Ta?" Y no, cu esey nos no kiermen bo cartera personal paso esey ta well taken care of.

Asina tin hopi otro pregunta ala "Bo Sa Unda" cu por wordo puntra den e cuadro aki. Un ultimo cu nos kier a agrega akinan ta "Bo Sa Unda Bo Prioridadnan Ta?" Con porta cu tur e tempo aki e minister encarga no por a logra hasi algo efectivo contra e problema social akinan? Nos sa cu e minister tin 3 cartera di cual 2 ta cana man den man cu otro. Pues, en realidad e minister tawata tin solamente 2 direccion pa enfoca riba nan. Straño. En fin, nos no ta comprende.

Masterclass Politica Tradicional

Despues cu nos por a ripara cu e eleccion aki a bin cu algun buzzwords manera cambio, mas cambio y politica nobo, Sr. Benny Nisbet a dicidi di mustra un y tur ta con Politica Tradicional ta hinca den otro. Ela duna nos un MasterClass di Politica Tradicional.

Door cu ami no ta cualifica pa ni tuma e masterclass aki, mucho menos pa dun'e, mi lo laga boso mes tira un bista riba dje. Prepara pen cu papel, paso bo lo siña hopi. MasterClass den Politica Tradicional pa Sr. Benny Nisbet.

Politica "Nobo"

Den un interview cu Roland Croes di e no-partido nobo ADM, Sr. Croes ta informa cu su no-partido no a registra pa eleccion benidero paso su no-partido ta representa un "Politica Nobo". Si si, nos sa kiko boso ta bai bisa.....otro partido (no-partido) cu ta hasi como si fuera nan ta of ta bin cu algo "Nobo". Pero den e caso aki si nos mester bisa cu Sr. Croes ta para fuerte den su ponencia.

Pa cuminsa su "partido" no ta un partido, sino mas bien un grupo di persona of un grupo consistiendo di dje so....cual eigenlijk kiermen...cu e no ta un.....humm. Ok, anyhow.

Otro punto ta cu, door cu nan no a registra pa eleccion di september kiermen cu nan no ta bai participa na e eleccion. Y bo mester admiti cu esaki ta e "unico" no-partido cu ta core campaña pero no ta bai eleccion. Cual ta completamente nobo!!

Tambe e la menciona cu su no-partido ta di un era nobo cu no a tuma lugar ainda. E no a specifica ki aña exactamente esaki lo ta pero nos mes ta pensa cu esaki mester ta entre comienzo di mundo te mas of menos final di nos existencia riba e mundo aki. Nos tin prueba di esaki tambe si mester.

Sr. Croes tambe a critica MEP Y AVP pa e situacion cu nos ta aden awor....cual nos tin cu admiti cu no ta nada nobo paso tur otro partido "nobo" a hasi esey. Pero no lubida ADM ta un "no"-partido.

Sr. Croes a sigui comenta cu e ta cana hopi na madre patria. Kiermen e ta un persona hopi activo den marathon y posiblemente hiking. Tambe nos por comprende cu un familiar di Sr. Croes lo ta na estado paso tin cambio maternal na caminda. Ok, sorry esakinan no ta al caso.

Y akinan tambe e la menciona algo completamente nobo door di bisa cu e ta propone pa pospone e eleccion benidero of ......humm......lage sigui?!? He he, ok mi a cuminsa bruha si un tiki. Tur e New Age politics aki tin mi un tiki confuso.

Pero no ta nada paso Roland Croes a promete di sigui suministra nos pueblo cu informacion valioso manera esun aki den futuro pa nos pueblo mes por saca su conclusion. Ooohh yeeejj.

Yuda Te Unda Por

Despues di un diabierna cu hopi awacero y biento, Otmar Oduber a dicidi di bai bishita un famia na Casibari cu a perde nan dak. Esaki ta un ehemplo bibo di un politico cu ta care pa su comunidad. Sr. Oduber a tuma su tempo pa wak e calamidad, papia cu e famia y saka suficiente potret pa su campaña. Asina tambe e ta logra haak af un item mas for di e famoso To-Do-List politico. Mas importante di tur ta cu e la laga sa cu e lo yuda "Te Unda e Por"!!

Si cu "Te Unda e Por" e ta referi na loke e y su coleganan di AVP a hasi cu e cas di partido na Paradera, e famia aki por drumi tranquil.

Sr. Oduber tambe a laga sa cu "Te unda e por" prome cu campaña ta un cos y "Te unda e por" durante campaña ta otro.

To-Do list pa un politico den temporada di eleccion

1. Pose cu un baby















2. Organiza diferente evento













3. Braza bo lider
















4. Revela diferente documento comprometedor









5. Pose cu un celebrity
















6. Bishita un calamidad





7. Usa e ultimo technologia





8. (Gaña) Haci deporte





9. Pose cu bo militancia






10. Pose cu nos grandinan





11. Habri un Facebook account

pppffff, tin asina hopi Facebook account cu si nos pone tur, nos webspace lo yena.....

YouTube video di siman

Ban conta cuanto cliche's tin den e video aki.....




Sorry, ami a perde conteo.....

Dispensa

Esaki ta un anuncio pa un y tur no haci caso di e ultimo breaking news cu a wordo di post riba PA. E partido en cuestion no ta bai participa mas na e eleccion benidero.

PA ta disculpa su mes pa a gasta 10 seconde valioso di abo como lector pa a lesa e post anterior. PA ta sumamente desapunta pa e suseso aki ya como e partido aki lo a zorg pa hopi mas post riba e blog aki, di cual nan ulitmo accion ta un bon ehempel.

Breaking News

Den un noticia di ultimo ora, Edwin Duineveld (MSI) ta confirma cu e la ricibi e programa di eleccion di e partido RED na su cas. Ademas e ta ful di acuerdo cu RED su position tocante pensioen di politiconan na Aruba.

Momentum Politico

Un par di siman atras nos por corda con e gobierno di Aruba representa door di Booshi Wever y Edison Briesen tawata bati riba nan pecho con nan hunto cu e otro directornan di departamento a hasi un tremendo papel internationalmente door di a maneha e situation di Swine Flu abordo di e crusero Ocean Dream. Hasta 60 certificado wordo parti pa departamentonan y directornan cu a atende cu e caso aki.
Segun e informe, minister di turismo lo a bai prepara un comunicado pa informa e comunidad international con Aruba a atende cu e situacion aki na un manera exceptional.

E dos ministernan aki a tuma e momentum di e bon outcome di e situacion di Swine Flu abordo di Ocean Dream y no a perde un oportunidad pa duna un interview of saka un press release tocante con bon nan a maneha e situacion. Esaki tawata un tremendo punto pa nan CV di campaña.

Laga nos wak ta con e grafiek di e momentum politico aki ta bayendo despues cu Hospital a anuncia cu e situacion
di Swine Flu a cuminsa sali for di man. Ai jaaijaai, mi ta spera cu tin un refund policy pa e certificadonan cu a wordo entrega.

Ooh Noo.....Gario run!!

Ooh Gario mon, yo betta run. Tecla send her second in command after yo even in the yellow party. Why, oohhh why can't they leave you alone!!

With carnival problem free for many years, especially now without you, now Rene wants to do the same for MEP.

Big Chance

Candidatonan nobo den e area politico ta hasi de todo pa profila nan mes pa sina capta e atencion di e votadornan. Tin ta referi na nan antepasadonan otro ta usa e medionan di internet. Tin ta hasie the old fashoind way. Bin cu un item cu bo por score cune. Asina e candidato nobo riba e lista di MEP, "Big Daddy" , tambe lo a pensa ora e a lansa su plan nobo pa San Nicolas pa duna tur e bar nan di San Nicolas permit pa hasi strip show. Tin cu admiti cu e plan aki cu a wordo lansa ta unico cu e habitantenan di e area ey no a tende ainda. Pero bo por imagina cu chance lo ta chiquito Big Daddy lo hanja hopi voto cu e plan ey ya cu esey ta e ultimo cu San Nicolas ta sinta warda riba dje.

Breaking news

Nos di PA a caba di ricibi e plan di campaña completo di Sra. Aiza Croes - AVP. Den e plan di campaña aki sra. Croes ta splica detallademente pakiko pueblo Arubiano mester vota p'e.

Punto 1: Mi tata ta defunto Chibi Croes.

ps. e plan di campaña aki tin masha hopi similaridad cu e plannan di campaña di:

Danny Leo - MEP
Evelyn Wever - MEP
Monica Kock - MPA
Mike Eman - AVP
Juan David Yrausquin - AVP
"Big Daddy" Chance - MEP ........ oooopss, never mind!!

Scolnan nobo

Hopi ta e criticanan cu tin riba e maneho di Marisol Tromp su portofolio di "Educacion". Andin Bikker por ehempel ta un di e politiconan cu fuertemente a critica Sra. Tromp. Segun Bikker e minister no a hasi nada tocante scol (HAVO & VWO) na Noord pa 8 aña largo y awo direpente a cambia budget pa inclui un scol na Noord.

MPA tambe a remarca cu e minister concerni na un manera "ad hoc" a core pone un scol nobo riba budget pa e districto di Noord pero cu e no a hasi nada pa drecha e scolnan cu tin caba manera e HAVO na San Nicolas.

Den defensa di e minister di educacion nos tin cu bisa cu "si" e minister a hasi hopi riba tereno di educacion den e ultimo 8 aña. Por ehempel nos por menciona por lo menos dos scol nobo cu a wordo traha sin cu niun hende a duna e minister credito pa nan. Manera entre otro:

"ARIA OEE" school y

"Colegio Frere BN Ifacius"

Slogan Politico

E elecion di september benidero lo por wordo recorda como e elecion di Slogan Politico. Ta hopi ta e politiconan y partidonan cu ta usa un slogan como nan cabay di careda pa cu e campaña aki. Y claro no por laga afo cu algun di nan ja a wordo usa como joke politico door di opositornan.

Recientemente Richard Visser di AVP tawata di bishita na e corant Awe Mainta caminda cu e tambe a anuncia su slogan pa cu e campaña aki. PUMA cu ta significa "Pa Un Mihor Aruba", lo ta e slogan cu Sr. Visser lo usa pa guia su campaña cu ta pone enfasis riba salud di e comunidad. Tin cu agrega na esaki cu e prome version di e slogan aki tawata "Pa Un Tremendo Aruba" pero cu esaki uiteindelijk no a wordo elegi pa un razon of otro.