Ken ta duna permiso?

Dialuna 1 juni tawata un dia hopi calor. Vooral den parlamento caminda tawata tin un reunion urgente den cual lo a keda di debati over di kiko lo bai hasi cu e carta cu gobierno di Aruba a ricibi caminda Hulanda ta informa e gobierno cu nan kier hasi un investigashon riba varios asunto. Manera nos tur por a verwacht, di debate no tawata tin mucho. Tawata tin insulto tras di insulto y culpamento di un banda pa e otro. Hopi di esaki no tawata alcaso y no a contibui na net nada pa cu e asunto di investigashon.

Si tawata tin algun parti hopi hilarico. Un di e momentonan aki tawata durante e discurso di Mr. Oduber. Mr. Oduber a cuestiona e manera con AVP a hiba e campaña di Mito Croes pa cu Parlamento Europeo (cu in principe no tin nada di aber cu e investigashon) bisando: "Con porta cu algun persona cu a caba di haña permiso pa keda na Aruba a haña stembiljet pa vota pa Parlamento Europeo?"

Say what now??? Porta mi ta robez pero e personanan cu e mester a cuestiona den e asunto aki, no tawata e dosnan sinta net banda links di dje??? Un cu tawata encarga (Croes) y un cu ta encarga (Wever) cu DIMAS. E cos ta cu Mr. Oduber ta un persona hopi cla y no a gusta e carta vago cu Hulanda a manda. Segun e, e base cu Hulanda ta usa pa hustifica e investigashon ta basa riba "geruchten" Y ta pesey mes e kier a duna un tiki mas contenido na e carta aki por medio di un ehemplo cu tur hende por comprende. Parlamento porta no ta funciona y pesey Mr. Oduber mes a bin cuestiona su mesun Ministernan sinta banda di dje y dus a duna Hulanda ainda mas razon pa bin investiga algun asunto dudoso. E pober Ministernan Croes y Wever te ainda no a realisa cu nan lider a cuestionanan dilanti parlamento!