Campaña sin gasta un cen (Part 2)

Awo ta toca turno pa Setar. Dia 18 di mei Setar a introduci WIFI pa scolnan y claro esaki no por bai sin e tradicional PR event. Apesar di ta un evento di Setar, minister Marisol Tromp no por a keda sin presenta (cu invitashon claro) na Colegio Arubano pa su mesun PR event. Den mi memoria ta fresco ainda cu esaki ta e mesun Colegio Arubano cu e mesun minister aki kier a corta pisa den su begroting paso nan a welga pa indexering.

Loke Marisol no a conta cu ne ta e astucia di Whitney Kock (un di e candidatonan nobo di AVP) cu a aprobecha e mesun evento aki pa propaganda su mesun campaña door di duna su "Thumbs up" pa e introducion di WIFI na e scol caminda e ta traha. Sneaky!