Alzheimer Politico

Ora mi lesa e reaccion di Marlon Werleman riba e criticanan di Mike Eman (AVP) tocante e shutdown di Valero mi ta wonder si tin hende den seno di MEP cu actually ta corda kiko nan mes ta hasi no mucho tempo pasa. Mr. Werleman ta cuestiona Mr. Eman di ta tuma parti pa Valero enbez di Aruba pa cu e BBO cu Valero mester paga.
Pero Mr. Werleman mester ta sufriendo di un Alzheimer Selectivo (Politico) paso na mas cu un ocashon su mesun partido a duna preferencia na companianan estranhero lagando nos mesun hendenan un banda.

Pa cuminsa nos tin e hecho cu maske tin arubianonan bon cualifica, toch ta kies pa trece docternan di venezuela pa traha na Aruba.

Y ken por lubida e desaster di Dump caminda e gobierno di MEP a keda sin duna ATCO (un compania local!!) e contract di dump pa faborece Booshi Wever su compania estranhero Bouldin & Lawson cu te dia di awe no a logra pone e projecto riba pia. Sin menciona cu nan a duna e compania aki un extension masha faborable pa por cumpli "alsnog" cu su obligacion, caminda cualkier otro pais lo a sue B&L su a** pa no cumplimiento.

Y por ultimo mi no ta kere cu Mr. Werleman por a lubida e lamentabel caso di ASTEC y e grupo Spanjo. Alzheimer ta dal pisa akinan paso Mr. Werleman a sigui critica e hecho cu Mr. Eman tawata tin sierto "negoshacion" cu Valero caminda cu Valero lo kier a paga Winstbelasting di entre 40 pa 50 miyon florin hasta ora di perdida. Dus Valero lo garantisa un entrada di 40 miyon florin den caha di gobierno tur anja sin exception. Mr. Werleman a bisa (fuera di no a comprende kiko e palabracion aki kiermen!) cu: "Esey no ta e forma mas apropia di negosha." Mi ta asumi cu esaki ta paso e ta pensa cu e suma ta mucho abow y dus den nadeel di Aruba. Pero nos por corda cu den e supuesto contract cu e compania Spanjo cu lo tuma over waf di Aruba, cu gobierno mester a "garantisa" un ganashi di 12% pa anja cual tawata hopi mas cu Astec tawata gana. Esaki na mi parecer tambe ta benadeel Aruba...of no? Pero awo:" Esey no ta e forma mas apropia di negosha!

Please un hende yama APA juda MEP cu un tugboat paso e barco aki ta mal pega!!!