Superheroe?!

Den temponan di
desesperacion...
insiguridad...
y angustia...
pueblo semper tin e speransa cu un heroe lo lanta pa yuda enfrenta e tempestad cu ta asotandonan.

Gotham city tabata tin su Batman, Metropolis tabata tin su Superman y Aruba...

Aruba tin di dje (Mike) Eman!

Dia KLM a stop su buelonan pa Aruba ta Eman tabata esun cu a bai Hulanda pa delibera cu e mandatarionan Hulandesnan maligno.
Dia Valero a anuncia cu e tey para su refinaderia na Aruba pa 3 luna ta Eman tabata esun cu a contacta e magno y poderoso managment di Valero pa delibera.

Y awor cu tin nubianan scur ta formando un bez mas den forma di un barco cu ta rumbo pa Aruba cu tin un virus sumamente contagioso cu por tin concequencianan fatal pa e cuidadanonan di Aruba abordo...
Un biaha mas ta Eman ta sali na rescate. Cu su arma principal y mas poderoso, su telefon (banda di su paspoort cu cual e ta usa pa biaha y enfrenta e peligernan cara a cara, e ta deliberando cu un potential victima abordo di e barco urgiendo e potetial victima pa wanta e calma y cu Eman lo monitor e situacion.

Resultadonan di e actionan di e superheroe Eman te ainda no por wordo nota. Lo ta cu e ta sobre estima su podernan of ta pueblo ta asina desespera cu e no ta wak cu e superheroe aki no tin mascara y outfit corespondiente bisti mane tur bon superheroe mester tin y cu esey por ta un indicacion cu porta toch no e no ta un superheroe???